PLAYER · 球員檔案

林嘉豪

作為城大舊生、大師兄班子嘅核心成員，魚蛋之前一直效力元朗手球會角逐甲一。上季元朗成功晉升「手球超聯」，但當佢知道一眾城大師兄弟組隊出戰聯賽，佢不惜放棄喺超聯呢個最高殿堂發光發亮嘅機會，毅然加盟恆城！呢份對城大大家庭嘅歸屬感同義氣，真係無得頂！👊🔥 喺場上司職控球嘅佢，除咗技術紮實、進攻充滿衝勁之外，更係全隊嘅「氣氛擔當」同「精神領袖」！魚蛋秉承住「錯就要認，打就要企定」嘅態度，隊友做得唔好佢會坦白指正，自己做錯亦會第一時間 Say Sorry。就算打完波食緊飯，佢都仲會同大家檢討緊啱啱嗰球——無論場內場外都極之渴望進步！